يوم الجمعة الي فات عزمنا اعضاء حركة كفاية حزب الكرامة من اهل بلطيم وطبعا كنا مع بعض في برج العرب كان اليوم جميل والبحر كان رائع وطبعها مننساش الغدي السمك كان ذي الفل اكلنا اكل مقولكش
عم ابوشقفة كان كريم كالعادة ووليد كان ولادة ذي العفاريت وجمالهم رباني ودكتور سامح بالرغم من انة جة متاخر بس كمل بوجودة اليوم الجميل ....كان الطريق رائع اثناء السفر وخاصة منظر اشجار النخيل وكثبان الرمل والمنظر الاكثر جمالا هو منظر المراكب والاشرعة .....
كان الشيء الغريب تلك المساحات الجميلة علي الشواطيء دون استغلال كما ان المدينة بالرغم من جمالها وروعة الشواطيء الا اني اري انها غير مستغلة بشكل جيد ....
طبعا مش حنسي اني اتخضيت علي الاستاذ عاطف وجريت في المياة بالرغم من اني لا اعرف العوم وفجائة لقيتة سباح نمرة واحد بس طبعا بعد ما رجلي اتعورت من الصخور .....
واخي هشام عندما نام علي الارض ومسل ميت وعد يقول انا حسني مبارك قتلني ......
كما ان المدام اعجبت جدا بطعم التين البرشومي الابيض وشكل القرع العسلي .......
كان نفسي بنتي تنزل البحر بس المدام رفضت لانها لسة صغيرة وطبعا انا خفت علي البنوتة
............
اة مش لازم ننسي انني اخدنا مطبين سخنين جدا واحنا راجعين الحمد لله وصلنا بالسلامة
قريب في زيارة لمحافظة تانية عايزين نلف علي جميع محافظات الجمهورية
(((طبعا الزيارة دي خلت المدام تتعرف علي زوجات اصدقائي وقربتهم من بعض وطبعا مش حتزعل زي الاول لما تعرف اني حقابلهم ))) نظرية بردة هههههههههههههههههه
هناك تعليق واحد:
استاذ علاء الخيام
موضوعاتك كلها ثوريه وجامده الله ماصلي علي النبي عليك
عجبني جدا الصور العائليه للمدام والبنوته الله يخليلك اياهم
مدونتك دسمه حقيقي
ربنا يوفقك والي الامام دائما
ليلاك تيوليب
ليلي احمد
إرسال تعليق